ته ره موارک مه جانه دتر🥰شکر کمه خداره که تره مه چشمون سرمه هکرده
مه درد درمون هکرده
مه جانه سامون هکرده..
تره یاد ننه کا،ولی من خله خوب یاد دارمه تو بیمی مه روزگار دگرسه
اتی قوی بیمی
اتی باامید بیمه
اتی مه دنیا قشنگتر بیه..
من تره شه دندون بکشیمه گت هکردمه،ادعایی نارمه،خله جاها اشتباه هکردمه،تو مجا بوگذر
ته مس مس چشه دا ننه😍ته گیسو گلابتونه دا،تو مه دله ارمونی،تو مه قلب صدایی..
آخ تره گت هکنم
عاروس هکنم😍ته خوشبختیه بوینم جانه دتر
ته موفقیتاره بوینم
تو بیمی شه جان پر و مار قدر بدونسمه
تو مره یاد هدایی صبورتر باوم
تو با اون پچکه انگوس که مه دس بیتی و راه بوردی از میون سختیا..
وقتی گنی ،ننا تره خله دوس دارمه ،انگار زمان مثه اس کنه..انگار دیگه پیر نامه
همیشک بدون،ننا اگه ته پلی هم دنی بوئه تره دوس دارنه،توسه دعا کنه.
آ جان دتر😍ممنون که مه دتر بیی،افتخار کمه مه دتر بیی،تره اتی گت کمه شه کیجا بودنه جا هیچوقت ته دل نیره
ته همیشک خاهون،ننا🥰
